Updates 

Foto's Appelsienesjmiete 2011!
10-11-2011, 23.33 oere
Presies op tied veur de Èlfde van de Èlfde: De foto's van 't Appelsienesjmiete 2011 zeen geplaatsj!

Òm ze te bekieke, gaot geer nao oos fotobouk en klik geer op "Appelsienesjmiete 2011". Väöl plezeier!

Oproup: Teks van "'t Pruukske van Lewieke"
28-02-2011, 16.44 oere
Zowie geer mesjiens waal wit, ontbrik in oos archief van Vastelaovessjlagers nog ummer d'n teks van de Vastelaovessjlager 1969.
't Ènnige wat òs van dees sjlager bekènd is, is d'n tittel "'t Pruukske van Lewieke".
Moch geer d'n teks urges höbbe ligge of oet de kop kènne opsjrieve, num dan kontak mit òs op via oos contactpagina.

"Paesj"-bericht (2)!
27-02-2011, 16.55 oere
Appelsieneklup.nl vernuujd!

Nao ein sjwaor bevalling van bekans ein jaor is de nuuje site van de Appelsieneklup gebaore! Veer vuile òs erg blie en ouch ein bietje oetgepaesj.
't Eesjte wat uch mesjiens òpvilt, is dat de site d'r nauweliks angesj oetzuut es veur dees verangering. Dat klop, de grootste verangering haet achter de sjerme plaatsjgevònje. Vanaaf noe is dees website mekkeliker en sjneller bie te hawte.
Hie en dao zult geer de kòmmende daag mesjien nog mirke dat d'r achter de sjerme nog hel gewirk wurt òm dees site gans fien te make. Moch geer d'n teks urges höbbe ligge of oet de kop kènne opsjrieve, num dan kontak mit òs op via oos contactpagina.

Vastelaovessjlagers 1970-2011
26-02-2011, 2.33 oere
't Òngerdeil "Meziek" op dees site is geupdate: vanaaf noe sjtaon alle Vastelaovesleidjes vanaaf 1970 op de site.
Helaas misse veer nog de Vastelaovessjlager van oos oprichtingsjaor 1969, mit d'n tittel "t Pruukske van Lewieke".
Moch geer d'n teks urges höbbe ligge of oet de kop kènne opsjrieve, num dan kontak mit òs op via oos contactpagina.

De teks van de vastelaovessjlager 2011, "Jo-de-la", is vanaaf noe te vénje op oos website.

Òm de sjtöm alvas get te traine, klik geer in oos menu op "Meziek", of op de link hiebaove.

Nuu Leede Jo en Tino
25-02-2011, 23.44 oere
Jo en Tino zeen al bekans ein jaor lid van de Appelsieneklup en zeen noe ouch toegevoug aan de leedepagina op oos website.

Klik in 't menu op "Leede" òm oos toch nog vrie nuu aanwènste te bewònjere!

Foto's Appelsienesjmiete 2010!
25-02-2011, 23.11 oere
't Waor de muite van 't wachte waerd: De foto's van 't Appelsienesjmiete 2010 zeen eindelik geplaatsj!

Òm ze te bekieke, gaot geer nao oos fotobouk en klik geer op "Appelsienesjmiete 2010". Väöl plezeier!

Wirk in oetvuiering
25-02-2011, 13.33 oere
Vanaovend zal dees website tiedelik neit te bereike zeen vanwaege òngerhoud. Mörgevruig haope veer weier op 't lienke ("online") te zeen!

Tom Janssen oetgeroupe tot Sjtadsprins 2011
Dit jaor is Tom Janssen oetgeroupe tot Sjtadsprins van de Marotte. Dees 27-jaorige kommersjeel manager van Fortuna Sittard en inwoner van de Akkersjtraot zal euver 't marotteriek regeiere es Sjtadsprins Tom I. Veer haope häöm perseunlik ein appelsien oet te kènne reike bie 't Appelsienesjmiete, al zal 't waal lestig waere òm häöm te herkenne zònger zien prinselik kostuum...

Evaluasie
Esjelegounsdig 17-02-2010, 11.11 oere
Waat eine vastelaovend! Zoväöl sjnee hauwe veer lang neit mee biejein gezeen! Mer gister waor 't prechtig, mit zelfs ein zunke!
Veer höbbe genaote, en de kènjer van Zitterd ouch! Wie hel d'r gezònge woort, wie fanatik d'r gevange woort. 't Waor weier ònvergaetelik!
Bènnekort zulle veer oppe website foto's plaatsje en... ouch weier ein filmke!

De Appelsieneklup op tillevisie!
Vastelaovesmaondig 15-02-2010, 11.55 oere in de mörge
De Zittesje Appelsieneklup, weltberuimp in Zitterd, waor te gas bie TV Limburg, die ein Carnavalsmarathon hauwe georganiseierd mit daoin alles euver de Vastelaovend. De Appelsieneklup waor oetgeneudigd òm te kòmme vertèlle euver de tradiese van 't Appelsienesjmiete. Veer höbbe van TV Limburg toesjtömming gekrege òm oos "item" aan uch te laote zeen. 't filmke zelf sjteit op Youtube (geer wit vas waal wie me dat oetsjprik: Joew-tjoep) mer is ouch via dees website te bewònjere. Klik in 't menu op "filmkes" en dan kènt geer òs bewònjere op bewaegend beeld!

De Appelsieneklup op Hyves
06-02-2010, 20.00 oere
Vanaaf noe haet de Appelsieneklup ouch eine fan-Hyve op Hyves. Gaot nao http://appelsieneklup.hyves.nl/ òm dees Hyve te bezuike. es geer wilt, kènt geer lid waere van dees fan-Hyve, of ein berich achterlaote.

Kletsjköp...
02-02-2010, 12.00 oere
Es geer de Pappegey höb gelaeze, höb geer zeker ouch dees kletsjköp gezeen!
Korte tied höbbe veer euverwaoge òm dees frissje kwafuur tot de hoessjtiel van de Appelsieneklup te make, mer sommige leede vènje eine kletsjkop toch te kawd in de wèntjer.
Klik op 't plaetje hienaeve òm ein grotere versie van dit artikel te bekieke!

Teks vastelaovessjlager 2010
Vanaaf noe sjteit de teks van de vastelaovessjlager 2010, "Veer zeen vastelaovesgekke", op oos website.

Òm uch vokaal alvas get veur te bereide op de Vastelaovend, klik geer in oos menu op "Meziek", of op de link hiebaove.

Wouter Simons oetgeroupe tot Sjtadsprins 2010
Dit jaor is Wouter Simons oetgeroupe tot Sjtadsprins van de Marotte. Dees 24-jaorige inwoner van de Selfkantjsjtraot zal euver 't marotteriek regeiere es Sjtadsprins Wouter I. Veer haope häöm taege te kòmme bie 't Appelsienesjmiete, al is hae op vastelaovesdaensdig waarsjienlik letterlik "sjoon verkleid, neit te kènne"...

Appelsieneklup te gas op de Carnavalsmarathon van TV Limburg
02-02-2010, 11.44 oere
Op zaoterdig 6 fibberwarie 2010 organiseiert TV Limburg ein Carnavalsmarathon mit daoin alles euver de Vastelaovend. De marathon begint òm 11:11 en eindigt òm 23:00 oere. De Appelsieneklup is door TV Limburg oetgeneudigd òm te kòmme vertèlle euver de tradiese van 't Appelsienesjmiete.
Tössje 17.00 en 18.00 oere zal de Appelsieneklup te gas zeen aan taofel bie TV Limburg. Mis 't neit!

Foto's Appelsienesjmiete 2009!
14-01-2010, 12.42 oere
Alweier get aan de late kantj, mer 't is zo wied: De foto's van 't Appelsienesjmiete 2009 zeen online!

Òm ze te bekieke, gaot geer nao oos fotobouk en klik geer op "Appelsienesjmiete 2009". Väöl plezeier!

Nuuj òngerdeil op dees site: Filmkes!
Esjelegounsdig 25-02-2009, 4.44 oere in de middig
't Moosj d'r èns van kòmme en noe is `t zo wied: Vanaaf vandaag kènt geer oos Appelsieneklup ouch op bewaegende beelde bewònjere en in aksie zeen! Veer höbbe ein profiel aangemaak op Youtube (sjpraek oet: Joew-tjoep) en dao oos eesjte filmke op gezat. 't resultaat kènt geer via oos website bekieke. Klik in 't menu op "filmkes" en dan zeet geer wied genòg!

Naobesjouwing
Esjelegounsdig 25-02-2009, 11.11 oere
De Vastelaovend is dit jaor weier veurbie gevlaoge! Gister òm deeze tied moosj 't Appelsienesjmiete nog beginne en noe is 't alweier veurbie.
't Waor weier sjoon! De kènjer höbbe weier hel geroupe en gezònge. Väöl appelsiene höbbe veer gesjmete en af en toe höbbe veer oos eine oppe lamp gesjöt.
Bènnekort zulle veer oppe website foto's plaatsje en... ouch ein filmke!

Foto's Appelsienesjmiete 2008!
23-02-2009, 00.11 oere
Baeter laat es gaar neit: De foto's van 't Appelsienesjmiete 2008 zeen geplaatsj!

Òm ze te bekieke, gaot geer nao oos fotobouk en klik geer op "Appelsienesjmiete 2008". Väöl plezeier!

Ramón Pfennings oetgeroupe tot Sjtadsprins 2009
De Sjtadsprins van Zitterd is weier oetgeroupe. De eer veil te beurt aan Ramón Pfennings, de 28-jaorige greutsje eigenaar van Lunchsalon Societea aan de Meulebaeksjtraot in Zitterd. Hae woont aan 't Kloosterplien. Dames van Zitterd, griept eur kans want Ramón is nog vriegezèl! Op 17 Jannewarie is Ramón geïnsjtalleierd es Prins Ramón I.
Ramón, de Appelsieneklup felisseteiert dich, en kump daensdig bie dich aete! Dan kènste de pan alvas op 't vuur zètte.

De èllefde van de èllefde: Alaaf!
Op de èllefde van de èllefde is 't Vastelaoves-seizoen offisjeel weier begoosj. Haol de kestuums mer alvas oet de motteballe, bènnekort gaon veer weier viere!

Teks vastelaovessjlager 2009
Vanaaf noe sjteit de teks van de vastelaovessjlager 2009, "Dat kènt gebeure", op oos website.

Òm de sjtöm alvas get werm te zènge, klik geer in oos menu op "Meziek", of op de link hiebaove.

Bedank!!!
10-02-2008
't Jubileium van Teioo waor geweldig! Ontèlbare maskes zeen häom kòmme filleseteiere en 't waor erg gezèllig!
Teioo haet hieop gereageierd door eiene bedankbreif te sjrieve. Klik hie òm de bedankbreif van Teioo te laeze!

Teioo sjmit veur de 40e keer!
fibberwarie 2008
Op Vastelaovesdaensdig 5 Fibberwarie 2008 vèndj zo wie ummer 't Appelsienesjmiete plaatsj in de bènnesjtad van Zitterd. Dees keer is 't ekstra bezunjer, went troeë Appelsienesjmieter Teioo sjmit veur de 40e keer Appelsiene!
Teioo Vahsen, weltberuimp in Zitterd mit oetsjprake wie "'t Ligk neit aan 't vange mer aan 't sjmiete", zal op Vastelaovesdaensdig plechtig zien teendoezendste Appelsien sjmiete.
Gaer neudige veer uch allemaol oet òm de jubilaris te filleseteiere van 15.00 tot 15.30 oere oppe mert in Zitterd bie Hotel De Limbourgh, wo de reseptie plaatsjvèndj. Geer kòmp toch ouch?

Wat: Reseptie bie gelaeg van jubileum Teioo Vahsen, 40 keer Appelsienesjmiete
Wienee: Vastelaovesdaensdig 5 Fibberwarie 2008, 15.00-15.30 oere
Woo: Hotel De Limbourgh oppe mert in Zitterd
Kedotip: Gebroek eur fantasie...

Jeroen Dieteren oetgeroupe tot Sjtadsprins 2008
06-01-2008, 13.00 oere
Gisteraovend is de Sjtadsprins van Zitterd oetgeroupe. De eer veil te beurt aan Jeroen Dieteren, eine 24-jaorige fysiotherapeut en sjtudent Orthopedische Manuele Therapie. Hae woont in de Provencesjtraot en, helaas veur de dames, haet ein vriendin. Op 12 Jannewarie zal Jeroen waere geïnsjtalleierd es Prins Jeroen I.
Jeroen, names de Appelsieneklup perfisiat!

De èllefde van de èllefde: Alaaf!
11-11-2007, 14.00 oere
Vandaag, op de èllefde van de èllefde, is 't Vastelaoves-seizoen offisjeel weier begoosj. eur 't eesj wurt dit jaor mit ein aopelòch-sjpektakel oppe Mert in Zitterd 't sjtartsein gegaeve veur 't Vastelaoves-seizoen van 2008. Laote veer haope, dat dit korte vastelaovesseizoen (Vastelaovend 2008 vilt erg vruig) d'r ein wurt, òm nooit te vergaete!

Teks vastelaovessjlager 2008
11-11-2007, 13.30 oere
Vanaaf noe sjteit de teks van de vastelaovessjlager 2008, "Wie zuus doe oet?", op oos website.

Òm alvas get te oefene, klik geer in oos menu op "Meziek", of op de link hiebaove.

11.11-2007, 13.11 oere
Veer höbbe veur uch de agenda geupdate, zodat geer op de heugte blif van alle evenemènte ròndj de vastelaovend in Zitterd.

Vastelaovessjlager 2008 bekènd!
27-08-2007, 20.11 oere
Nao ein sjpannende muzikale sjtried is in de Sjpeigeltent in Zitterd de vastelaovessjlager 2008 gekaoze. De keus van 't publiek veil op "Wie zuus doe oet?" van John smeets en Gian Prince, gezònge door Cyrille Niël.
Nummer 2 en drie woorte "Hei óppendöp" van Theo Weijman, gezònge door Brian Schoenmakers, en "Gouve 't mèr meer van die daag" door Chrissy Steinen, gezònge door Chrissy Steinen en Paul-Jean Jessen.

Paosje
Paosjzòndig 08-04-2007, 18.11 oere

Zelige Paosje!

Foto's Appelsienesjmiete 2007!
25-02-2007, 23.11 oere
Eindelik is 't zo wiet! De foto's van 't Appelsienesjmiete 2007 zeen geplaatsj!

Òm ze te bekieke, gaot geer nao oos fotobouk en klik geer op "Appelsienesjmiete 2007". Väöl plezeier!

Zitterd bedank!
Esjelegounsdig 21-02-2007, 23.11 oere
Prechtig waor 't! Zelde höbbe veer zo'n sjoon waer gehad bie 't Appelsienesjmiete es gister. Doezende kènjer koume òm appelsiene roupe en natuurlik òm te vange. 't Waor oppe Mert in Zitterd nog drökker es mit Sint Joep! De Mert zoug rood-gael-gruin van de grote en kleine maskes, en oranje van de appelsiene. 't Waor eine daag òm in te lieste!

Euver ein paar daag kènt geer de foto's van 't Appelsienesjmiete 2007 bekieke!

Foto's vastelaoveszòndig en -maondig geplaatsj
Esjelegounsdig 21-02-2007, 21.11 oere
De foto's van Vastelaoveszòndig en - maondig zeen geplaatsj. Òm ze te bekieke, gaot geer nao oos fotobouk en klik geer op "Anger Vastelaoves-foto's". Väöl plezeier!

Euver ein paar daag zulle de foto's van 't Appelsienesjmiete 2007 hie ouch te bewònjere zeen!

Fotobouk geäöpend
12-02-2007, 15.20 oere
Vanaaf vandaag kènt geer ouch ein hele houp foto's bekieke via oos fotobouk! Gank mer gauw èns kieke!

"Paesj"-bericht!
07-02-2007, 19.11 oere
Appelsieneklup.nl äöpent häör deure!

Vanaaf vandaag, gounsdig 7 fibberwarie, kènt geer terech op www.appelsieneklup.nl veur 't lèste nuuts en informaasie euver de Zittesje Appelsieneklup! Kòm gerös èns kieke!
Höb geer zelf ein website mit ein vastelaoves-thema? Veer zeen nog op zuik nao links van dergelikke sites. Mail nao mechelke@appelsieneklup.nl . Ouch zoue veer 't leuk vènje es geer de link nao oos site op eure eige site zèt.

En dan nu voor de Huilanders onder ons:
Appelsieneklup.nl opent haar deuren!
Vanaf vandaag, woensdag 7 februari, kunt u terecht op www.appelsieneklup.nl voor het laatste nieuws en informatie over de Sitardse Appelsieneklup! Kom gerust eens kijken!
Heeft u zelf een website met een carnaval-thema? Wij zijn nog op zoek naar links van dergelijke sites. Mail naar mechelke@appelsieneklup.nl . Ook zouden wij het leuk vinden als u een link naar onze website op uw eigen site zet!