Vastelaovesleidjes
Hie vèndj geer de vastelaovessjlagers vanaaf 1969 tot noe!
|
|
|
|
2011: Jo-de-la
teks/meziek: Thei Wessels
gezònge door: Paul-Jean Jessen
KOEPLÈT 1:
Mit de vastelaovend doe zag Toos taege Jo:
“Wach mer pès vanaovend, dan sjtael ich vas de sjo
Maske, huidje, zökke die haol ich oet de kas”
Mer dat wól neit zo lökke went de la zout maore vas…
REFREIN:
Jo de la die…is kepot!
Jo de la die…is riep veur biej ‘t sjrot
De la Jo, de la Jo, waat bèste toch ein sjaop
Jo de la, Jo de la, Jo de la mót aop!
Jo de la, Jo de la, gaef mich nog ein bietje haop (2x)
KOEPLÈT 2:
Jo lout zich neit kènne. Hae vuilde al de zaeg
In zien hendjes brenne. Dao waar mer eine waeg
Nao get urkes wuile doe woord ‘r toch get sjoew
De ganse kas vermuibelt mer de la’s die bleve toew…
KOEPLÈT 3:
Jo sjnapde d’n hamer en gouf de la ein vaeg
Die vloog door de kamer mer waar harsjtikke laeg
Jo góng door ’t dölle mer och dao vónj mich Toos
Häör vastelaovesprölle in ein auw kertónne doos…
Sjlot:
Angesj kóm ich neit in sjlaop (2x)
Trök nao baove
|
|
|
|
2010: Veer zeen vastelaovesgekke
teks/meziek: Raymond Golding
gezònge door: De Vraem Veugel
REFREIN:
Veer zeen vastelaovesgekke,
Dat is al jaore mit die daag.
Veer zeen vastelaovesgekke,
De kriebels gaon alweier door de maag.
Went mit de vastelaovend gaon veer alle kroege aaf,
Gelökkig is ’t neit te drök went boete wurt gepaaf.
Veer zeen vastelaovesgekke,
En dat allein mer,………mit die daag.
KOEPLÈT 1:
Vlak veur de vastelaovend kómme veer weier biejein,
Dan wurt ‘r weier gelache en geroddeld óngerein.
’t thema wurt bekènd gemaak, veer gaon dan aan de sjlaag,
En make ós dan op veur weier drie sjoon daag.
KOEPLÈT 2:
Awwieverbal,de zitting of Kanón van ’t balkón,
Dao gaon v’r haer verkleid mesjiens waal es ’n echte nón.
Geneite doon veer dan al geit ’t door pès mörgevruig,
’t maak neit oet went veer zeen dan nog lang neit muig.
KOEPLÈT 3:
Al blieve veer in Zitterd of veer gaon èns nao Mesjtreich,
’t is euveral gezèllig zónger dat ich hiebie leig.
De lol en sjpas die make veer toch zelf óngerein,
Went mit z’n alle blieve veer geweun biejein.
Trök nao baove
|
|
|
|
2009: Dat kènt gebeure
teks/meziek: John Smeets/Gian Prince
gezònge door: Cyrille Niël
INTRO
Ich ben eine boer en vaar normaal de krote van ‘t landj
Noe maag ich mit de prins gaon vare, ich höb get aan de handj.
D’n optoch geit noe trekke, dao is ‘t eesjte laok,
De prins begint te zjweite, hae maak zich richtig kaod.
De Vors krig alle kleure, dae wit zich geine raod,
Effe gaas d’r bie; de patsje vleige oppe sjtraot.
Al höb ich aaf en toe ein bieje pech.......
Jeder jaor de sjnelste tied dat is neit sjlech.
REFREIN
Dat kent gebeure, dat kent gebeure
Trap ich op dae pin, haol hie alle läöker in.
Dat kent gebeure, dat kent gebeure,
Gong de wage aan de jas, mes de prins heil zich neit vas.
Oppe Mert gekomme, wo jeder maske zingk,
Es de prins nog urges aan ein sjtopleich hingk.
Dat kent gebeure, de tenk is nog neit laeg,
Dus pak mich dae kiosk mer oet de waeg.
Jao bie ‘de kup’ gekomme, op ens ein groot sjandaal,
Wo mot ich dat van weite, dao is ‘t väöl te sjmaal.
De raod bleik oppe wage, die zouge gaar neit oet,
Effe nog ens sjakele en volle gaas veuroet.
Al höb ich aaf en toe ein bietje pech.......
Jeder jaor de sjnelste tied dat is neit sjlech.
Trök nao baove
|
|
|
|
2008: Wie zuus doe oet?
teks/meziek: John Smeets/Gian prince
gezònge door: Cyrille Niël
De vastelaovend is zo sjoon
Dao wil ich mich get aan gaon doon
Ich sjnap mich opa ziene jas
Plek lènks en rechts 'ne verfkwas
En noe nog get waat laeve maak
Want dat haet hiej jed're sjnaak
Noe kiek toch èns, dat geit te wiet
Ein trööt gemaak van kachelpiep
Dat is toch neit normaal, doe löps hie veur sjandaal...
REFREIN
Mèr jòng, wie zuus doe oet?
Waat höbste dich weier aangerete.
Mèr jòng, wie zuus doe oet?
Zo wurste hie veur gek versjlete.
De jas te klein, de bòks te kort, pelette van twee kwes
De patsj, te groot, de klòmpe aan; och, sjwieg mèr van de res
Mèr jòng dat is toch neit normaal, dat is ouch sjiet egaal...
Es sjerp haet hae ein taofelkleid,
Dat broek de mam al jaore neit,
De bòks, tsja, dat zit ouch neit mit
Die haet ein piep te kort geknip,
Ein mötsj vol bloume ram versjlak,
Die häöm euver de oore zak.
Mèr noe wurt 't toch ech te gek
Ein sjöp es tamboermaetersjtek...
(REFREIN)
Trök nao baove
|
|
|
|
2000: De fraaje mit de medaaje
teks/meziek: Thei Wessels
gezònge door: Lejao Beursgens/Thei Wessels
Gans 't jaor, dan wirk ich mich de blaore.
Dan krig deeze vent geine rooë sent.
Mer dae tied, dae gòng nog nootsj verlaore.
Ich bèn mit ein vaer allang kóntent.
REFREIN
Noe kóm èns kieke nao mien medaaje,
woo deeze fraaje veur is te paaje.
Kiek mich èns, prieke, en kòm èns graaje,
nao die medaaje op miene boek.
Went in de vastelaovestied,
dan kòmme ze van wiet en ziet.
De sjoonste maedjes of 'n kernaaje,
en och nog van die haaje-baaje.
Die kòmme kieke nao mien medaaje,
nao die medaaje op miene boek.
(REFREIN)
Ich bèn mit mien twintigste medaaje,
waal ein finnemeen en dat is te zeen.
Veurig jaor, doe waar ich eine saaje,
went doe hauw ich d'r mer neugeteen.
(REFREIN)
Wilt geer uch dao ouch èns mit bemuije,
höb geer uch gespjich wiel me toch gein krig,
sjponsor dan geweun èns doezend guije.
Volgend jaor dan zingk geer sjus wie
(REFREIN)
Trök nao baove
|
|
|
|
1999: Miene rebbedep
teks/meziek: Thei Wessels/Marc Webers
gezònge door: Lejao Beursgens/Geert Cremers
Ich sjtòng in ein kefeeke en kreeg ein leuk ideeke.
Ich wòl gein water en gouf eine veur de tent.
Doe reipe alle gaste: "Raste doon veer mit vaste".
Dat kosde later mich dus eine leive sent ...
REFREIN:
Dat ben ich mit miene rebbedep, och, hòlj ich mer èns de sjnep.
Dat ben ich mit miene rebbedep, mer dae is noe einmaol opgepep.
Wooròm hauwt ich neit de sjnebbel toew?
Wooròm deit die moel dat noe?
Es ich mich rep, dan geit die klep, van miene rebbedebedep.
Ich dach: "Doe kèns waal blaoze, op zo'ne klòmmel raoze,
effe get sjtampe en dan drie daag vol gaas".
Mer dat höb ich geweite: zjweite en niks geneite.
Ich kreeg de krampe van de kin pès aan de naas ...
(REFREIN)
Lèts sjtòng ich get te sjanse, zie vroug: "Zegk, wilste danse?
Mèr dat is baale, este daovan gaar niks kèns.
Toch hòng ich aan häör luppe, huppelde oppe tuppe,
van häör sandaale en doe dach ich mich opèns...
(REFREIN)
Trök nao baove
|
|
|
|
1998: Door 't dölle haer
teks/meziek: Thei Wessels
gezònge door: Cyrille Niël
Dao geit hie geine wie dae eine, pès 't sjmörges oppe baan.
Noe kènt dat toere oere doere, mer dae krig gein ènj d'r aan…
REFREIN
Dat is dae, dae gisternach, gans de sjtad haet thoes gebrach.
Dae is neit nao hoes te sjlaon, dae blif wiejer gaon.
Dae geit aaf en toe èns gaer door 't dölle haer.
Dus wae zich noe neit ammezeire kan : dènk èns aan dae man!
Kòm d'r bie en maak 't d'raer, sjmiet dich auch èns in't gewaer.
Gank mer door 't dölle haer…, lai la, lai la la …
Noe kiek höm sjörge pès de mörge, wie hae löp van krök nao krök.
Zo eine braave kènt 'm paave, dat is eine, oet ei sjtök ...
(REFREIN)
Ens effe röste zal 'm löste, mer al zak hae ongeroet,
dan klinke boete blaeke toete, en dan mot hae weier droet.
(REFREIN)
Trök nao baove
|
|
|
|
1997: En toch.., En toch...
teks/meziek: Jeun Schelberg
gezònge door: Math Niël
't Laeve is noe einmaol zoo, zo wie 't laeve is.
Verstappen is weier oetgesjtap, hae haet de boch gemis.
't 's Moandigs sjteiste nog es baas en daensdigs oppe sjtraot.
Doe löps al jaore in de rie, dan vilste oet de maot.
REFREIN:
En toch en toch ... veer zeen d'r nog
En toch en toch ... veer laeve nog
Veer hauwte paol en veer zeen gaar neit klein te kriege
Veer zeen gein Pruuse en dròm houf veer neit te ziege
En toch en toch ... veer zeen d'r nog
En toch en toch ... veer laeve nog!
't Geit al jaore goud mit dich, op èns dan geit 't mis.
Dan wurste aan de kantj gezat, òmdat dat baeter is?
Doe vings dat op en lachs dao mit, doe raaps dich weier bie-ein.
D'n optimis, dae wint 't toch, dat hiltj dich oppe bein.
(REFREIN)
't eesj beginste heel erg gruin, dan wurd 't de S.P.
Danao dan bèste C.D.A. en later V.V.D.
Zoo geit 't langsaam wiejer mèr doe heurs d'r toch nog bie.
Tensjlotte bèste blie bie de auwere pertie.
(REFREIN)
Trök nao baove
|
|
|
|
1996: De fòddele Polka
teks/meziek: Thei Wessels
gezònge door: Frans Thissen
REFREIN:
Es ich mich aan gaon tòddele,
dan duuk ich in die fòddele,
dan mòste mich zeen knòddele,
aan al die fòddele bròddele.
Es ich mich aan gaon tòddele,
dan duuk ich in die fòddele,
mer nao ein urke hòddele,
dan loup ich sjoon d'r bie !
In de sjtub van Pit-Jup, zit ein mòtte-klup,
en 't ves van tant Jes, dat sjtink es de pes.
Dao lup Greit in ein kleid, mer 't pas häör neit.
Vik en Nik höbbe Drik eine jas gesjtrik.
(REFREIN)
Euzjenie löp d'r bie, mer noe vraog neit wie.
Hòbberdien haet ein lien van ein auw gerdien.
Iezabel löp mit Sel in ein baerevel.
Wullem-Nöl ziene pröl sjtink nao sjaope-wöl.
(REFREIN)
Dao löp Hein gans allein in de blote bein.
De kolbaer van Piejaer is ein tuut van laer.
Dao löp Ad door de sjtad in ein koukesmat.
Kris en Tis en Lewis gaon es aerpelskis
(REFREIN)
Trök nao baove
|
|
|
|
1995: Hiej brent de lamp
teks/meziek: John Smeets/Gian Prince
gezònge door: Math Niël
REFREIN:
Hiej brent de lamp, es Keub d'n trèkzak aope rit.
Hiej brent de lamp, es hae zich in de vastelaovesprölle sjmit.
Dan sjpeelt hae hiej mit väöl bravoer, de sjilderiekes van de moer.
Da's geine ramp, hiej brent de lamp.
Keub sjpeelt hiej noe de ganse waek,
van Laohr pès aan de Keutelbaek,
van Heksesjans pès aan de Paatesjkirk
Mit Vastelaovend mòt Keub gaon
dan is 'r gaar neit weg te sjlaon
hiej in de bòntje Vastelaovessirk.
Es hae sjpeelt dan mòste heure wie dat klink,
en jeeder Laammaeker in Zitterd dae dan zink…
(REFREIN)
Gans Zitterd is wei'r oppe bein
os sjtedje is hie väöl te klein
want Keub dae geef 'm effe van ketoen.
Dan rit hae zienen trèkzak vol
sjteit hie de kraom van maskes bol
dan trèk hae hiej de prol nog oet fètsoen.
Es Zitterd gaas geef, sjpeelt hae väöl te flot,
dan rit hae zienen trèkzak ram kepot.
(REFREIN)
Trök nao baove
|
|
|
|
1994: Mit vastelaovend maak veer 't weier te bòntj
teks/meziek: John Smeets/Gian Prince
gezònge door: Frans Thissen
REFREIN:
Mit Vastelaovend maak veer 't weier te bòntj.
Sjprènge hie de plavuuze oet de gròndj.
Kapelkes sjpeele noe de hoogste toon.
Jao gans Zitterd dat wankelt in zien sjoon.
Veer blaoze, klaene, sjprènge mit gemaak,
de mösje van 't daak.
Mit Vastelaovend maak veer 't weier te bòntj,
Sjprènge hie de plavuuze oet de gròndj.
De ringe van de glaazer sjtaon nog op 't vel
De klöppele bie-ein geplek, want ich sllaon vööl te hel
D'n tied van rippeteire, dae höbbe veer gehad
Noe gaon veer 't perbeiere, in oos Marottesjtad
(REFREIN)
Ein groote bòntje theemötsj, in de kop getroch
`ne rood-gael-gruine sjluppejas, ich waer veur gek verkoch
Ich sjnap mich gauw ei maske, de trööt öm miene nek
Kòm mit door Zitterd sjooje, hie zeen veer sjtapeIgek
(REFREIN)
Trök nao baove
|
|
|
|
1993: Hie vleige de vònke oet de pan
teks/meziek: John Smeets
gezònge door: Math Niël
REFREIN:
Hie vleige noe de vònke oet de pan
de ganse sjtad sjteit noe in vuur en vlam
me heurt `t al van wiet en ziet
`t is weier Vastelaovestied
Hie vleige noe de vònke oet de pan
Al hònderd ellef jaore lang
Eine keer in 't jaörke viere veer Sint Joep
dan sjtaon in oos gans Zitterd de kraömkes oppe sjtoep
mèr mit vastelaovend doon veer ei sjöpke drop
dan sjteit pès aan de sjtaase de sjtad hie oppe kop.
(REFREIN)
Heurt me mit Sint Rooza klanke van de bel
dan dreet hie oppe Merret de kettingkarresel
mèr mit vastelaovend dan dreet zich hie van al
dan rammelt hie de boet flink `t is weier carnaval.
(REFREIN)
Trök nao baove
|
|
|
|
1992: Hiej is get oet
teks/meziek: Reinhard Wind
gezònge door: Frans Thissen
REFREIN:
Oppe mert en in de sjtraote zuuste maskes euveral
hiej is get oet
Jao gans Zitterd sjteit weier oppe kop 't is weier Carnaval
hiej is get oet
teen maol éllef jaore vastelaovend in oos Zittesj landj
hiej is get oet
hosse, zènge, danse, sjprènge maskes same handj in handj
jao in Zitterd is get oet
hosse, zènge, danse, sjprènge maskes same handj in handj
jao in Zitterd is get oet.
Nònk Harie waar 'ne vriegezèl en gòng weier èns op sjtap
hae dach d'n tied van keihel wirke bèn ich wirkelik zat
èns röstig eine pitse, jao dat hauw hae zich bedach
mèr wie hae de kaffee in koum wit geer wat hae doe zag?
(REFREIN)
Kapelkes sjpeelde ooze Sjang en Maske kòm ens hiej
ei maedje sjnapde ooze vriegezèl èns aan de zie
jao Harie kaum noe richtig los en hauw vööl sjpas en lol
en reip doe op d'n ober: tap die giaeskes nog èns vol!
(REFREIN)
Trök nao baove
|
|
|
|
1991: De Kaetel
teks/meziek: Loek Lemmens
gezònge door: Math Niël
REFREIN:
Mit eine kaetel oppe kop
zoo loup ich ummer weier veurop
de ganse zjwik d'r achter aan
auch al höbbe veer gein vaan
mit eine kaetel oppe kop
zoo loup ich ummer weier veurop
nao drie daag houwe mit dae haute laepel
höb ik eine kop wie 'nne kaetel
nao drie daag houwe mit dae haute laepel
höb ik eine kap wie 'nne kaetel.
Gans 't jaor dan is 't ein gerammel bie Marie
ze sjpuilt de potte, panne en de löökskes in de zie
mèr mit de vastelaovend is 't röstig in de boet
de kaetele die gaon dan alleney mit mich drop oet
(REFREIN)
Nao die daag geit weier alles op d'n auwen toer
want jeederein dae möt zoo neudig gaon op tied en oer
en van dat jaage krig me enne kop sjus wie 'n zie
mèr op 't kaokpuntj kump gelökkig dan de hermenie
(REFREIN)
Trök nao baove
|
|
|
|
1990: Veer Gaeve Gaas
teks/meziek: Jan van Daal
gezònge door: Frans Thissen
REFREIN:
Mit ei tröötje en ei trummelke
e kammezöölke van ei lummelke
enne bolhoud mit 'n naas
jao zoo gaeve veer drie daag gaas
Kent geer ooze Nölke al
jeder jaor sjprink hae rondj op `t Marottebal
mit ein trööt om ziene nek
maak `r Zitterd sjtarre gek
es `r blees...is 't fees
achter Nöl wurd aangesjees.
(REFREIN)
Nölke löp neit gaer allein
want nonnevot en hering hilt `m oppe bein
maak vööl sjpas en zeet present
dan is Nölke weier kontent
es `r blees... is 't fees
achter Nöl wurd aangesjees.
(REFREIN)
Trök nao baove
|
|
|
|
1989: Marie de parie
teks/meziek: Jan van Daal/Arno Rutten
gezònge door:
REFREIN:
Marie, Marie, oos Zitterd is neit wie Paris.
Mais oui, Marie, 't is noe Vastelaovend hie.
Kòm mit mich mit, dan zuus doe a la France
De maedjes danse, jònges sjanse mit charmance.
De maedjes danse, jònges sjanse mit charmance.
Marie, ein sjoon Francaise, 't koum gans oet Paris,
en tròf mit Vastelaovend ooze Zittisje Lewie.
Lewie waar gans verpòpzak, en keek èns òm zich bie.
Marie woor get aan 't sjanse van mon amour cherie.
Lewie zag: "Belle Marie, noe loester toch èns hie"
(REFREIN)
Vastelaovesgekke, die danse de Can Can.
Auw wiever, kloune, hoeraes, die sjprènge oppe wal.
Lewie mie mon amoure, miene leive man,
dit is aevel sjoonder, nog sjoonder es Pigalle.
Ich blief bie dich cherie en zèng dan aan dien zie.
(REFREIN)
Trök nao baove
|
|
|
|
1988: De Vaan
teks/meziek: Paul-Jean Jessen
gezònge door: Chris maas
REFREIN:
Dao kump de vaan ... weier aan.
Alle maskes en verkleide loupe drachter aan.
Woo geit die vaan ... op aan?
Door de gats, de mert, de Pötsjtraot op pès baovenaan.
Gans Zitterd sjlut zich dao bie aan.
Dao kump os geine aan de vaan !
Maan, dae wol meziek gaon doon, mèldje zich doe aan.
Trom of trööt of saksefoon, ich begin waal draan!
Mèr nao vööl perbeiere keek er os ens aan.
Ich laot mich neit forseiere, gaef mich mèr de vaan!
... En hae sjnapde zich de vaan en veer trokke drachter aan ...
(REFREIN)
Jeder jaor löp ooze Maan d'n optoch in de waeg.
Mit zien auw, versjaote vaan, ochèrm, hae löp zich laeg.
Mèr kump dan de mert in zich, jeeder kik nao Maan.
Alle luuj bedenke zich, woo geit die vaan op aan?
... En hae sjnap zich dan de vaan en veer trèkke drachter aan ...
(REFREIN)
Trök nao baove
|
|
|
|
1987: Höbste miene knien gezeen?
teks/meziek: Hans Wijnands/Chris Maas
gezònge door: ?
REFREIN:
Höbs te miene knien gezeen? Zèk höbs te miene knien gezeen?
Hae haet twee ganse grote oore, en it gaer van die dikke moore.
Höbs te miene knien gezeen? Zèk höbs te miene knien gezeen ?
Ich vroug al aan ei man of teen: Zèk höbs te miene knien gezeen?
Veer höbbe eine knien, dae deit mit aan de lien.
Hae it auch gein banaan, dan kump er te vööl aan.
Hae drink gaer dreuge wien, dan blif 'r ummer fien.
Zo haet 'r gans belaef, de Krismes euverlaef.
Mèr noe mit vastelaovend is hae dertösjenoet ...
verkleid in eine bontjas, ei brilke oppe sjnoet ...
(REFREIN)
Drie daag ben ich op sjtap, de knien is mich ontsjnap.
Dat geit zo jaor op jaor, wie sjpeelt hae dat toch klaor?
Zeet geer soms eine knien, hie mit ei glaeske wien,
dan pak mich gauw dae blaag ens effe in de kraag.
Al haet hae auch ei brilke en is hae goud verkleid,
hae is gans goud te kènne want sjlachte wilt 'r neit !
(REFREIN)
Trök nao baove
|
|
|
|
1986: De kanarie
teks/meziek: Jeun Schelberg
gezònge door: Jeun Schelberg
Hae flöt " 't Sjtertje", "Maske kom hiej",
"D'n dreugdouk" en "Es ich vriej mit Marie",
"Gank oet de waeg", "Hauwt mer aan" en "De trööt",
"Kiek in 't glaeske" en dan isser tööt;
Effe mot ter röste, dan geit 'r weijer d'raan ...
REFREIN:
Want vanaaf ein Jannewarie, flöt bie oos de kanarie,
leidjes euver de vastelaovend, leidjes die 'r ram van boete kent.
En auch in Fibbrewarie, flöt daezelfde kanarie,
mer hae sjtaak daomit gans besjlis es 't essjelegounsdig is.
Dan geit 'r wiejer mit "De wauwelprie",
en "Zitterd sjittert" en " 't Is veurbie".
" 't Eesjte muulke" en "Op ooze wal".
Hae sjlut mit "Zitterd viert weier carneval".
Effe mot ter röste, dan geit 'r weijer d'raan ..
(REFREIN)
Hae flöt dan ouch noch "Heur veer allenej",
"Alaaf Marotte" en "De pappegej",
"Zo waar 't vruiger" tot sjlot "Leive Sjat".
Dan denk 'r: ziezo en dat is dan dat.
Effe mot ter röste, dan geit 'r weijer d'raan ...
(REFREIN)
Trök nao baove
|
|
|
|
1985: De Zittesje kapel
teks/meziek: Hans Wijnands
gezònge door: ?
REFREIN:
Dao kump ein Zittesje Kapel, jónges houw èns op dat vel.
Dat deit ei Zittesj hart zoo goud.
Wènt van de klank van zo'n kapel, krieg ich kriebel op 't vel,
dat zit mich in 't Zittesj bloud.
Vastelaovend is in Zitterd 't sjoonste waat bie òs besjteit.
Bòntj gesjmink mit kleur en glitter, zo wurt òs sjtèdje aangekleid.
En löstige gezèlle brènge sjtömming mit, dat zeen oos sjtraotkapelle wo meziek in zit.
Zo sjpéng veer oppe maot, door de Lömmerigersjtraot.
(REFREIN)
Van de Pötsjtraot pès de sjtaase, van Baenje pès aan Vic van Naer.
Jònges waat ein allegaase, sjpektakel door de sjtraote haer.
En Zittesje kapelle sjpele euveral, dat is òs Zitterd eige: de sjtraotkarnaval.
Zo sjpéng veer oppe maot, door de Lömmerigersjtraot.
(REFREIN)
Trök nao baove
|
|
|
|
1984: Zitterd Sjittert
teks/meziek: Willy Jongen
gezònge door: ?
REFREIN:
De vastelaovend hie in Zitterd is zoo gezèllig auwerwèts.
Dat is woo Zitterd zoo door sjittert, jao, dat is Zitterd op zien bès.
Wits te nog wie vruiger hie in Zitterd alles waor?
Es Zefke Mols bie 't Zjwaenke oppe Brandj dich taege koum.
Ouch Maesjmans en de Wauwa, dao bie Deurke oppe wal.
De Sjtomp, 't auwt Sjtadhoes, waat neemes oots vergaete zal.
Daen tied, dae is allang veurbie,
mèr ein dènk höbbe veer nog altied hie.
(REFREIN)
Wits te nog wie vruiger hie in Zitterd alles waor?
Mit Jochem, Patsjenini en daobie Piejaer van Laor.
De Pikman, Zefke Sjlange, Hatsioene en de Man.
Dat waare mich pas tieje, wae zich die herinnere kan.
Daen tied, dae is allang veurbie,
mèr ein dènk höbbe veer nog altied hie.
(REFREIN)
Trök nao baove
|
|
|
|
1983: Es doe mich zaes
teks/meziek: Willy Jongen
gezònge door: ?
REFREIN:
Es doe mich zae's wae's doe bès dan drènk veer os nog ein,
drènk veer os nog ein, drènk veer os nog ein.
Es doe mich zae's wae's doe bès dan drènk veer os nog ein,
en blieve veer de gansen aovend saame sjoon biejein.
Maske, doe bès zoo sjoon verkleid, ich kèn dich neit, ich kèn dich neit.
Zèk mich toch èns aeve wae's doe bès,
ich gluif doe bès nog oet 'n auwt, ei richtig Zittesj nès.
(REFREIN)
Maske, noe loester effe hiej en zèt dich èns bie mich d'rbie.
Ober, sjöt os eesj èns eine in.
Dat maske dat hie bie mich zit, dat is nao miene zin.
(REFREIN)
Trök nao baove
|
|
|
|
1982: Alaaf, Dat waar 't lèste waat hae reip
teks/meziek: Ger Muijrers
gezònge door: Ger Muijrers
REFREIN:
Alaaf, dat waar 't leste waat hae reip, doe veil 'r òm en sjleip.
Alaaf, dat waar 't leste waat hae reip, doe veil 'r òm en sjleip.
Ein voetbalklub hie oet de buurt, die zout in groote nood.
De klubkas waar al waeke laeg, hun sjout die waar al groot.
De penningmeister woort gevraog, waat is toch aan de handj.
Mer dem kreeg neemes wakker, loug te sjlaope langs de kantj.
Doe zong 't gans besjtuur .....
(REFREIN)
Marie waar in de sjouwburg, op zuik nao hööre minsj.
Ze hauw get goud te make, want ze louge in de klinsj.
Ze koosj hööm eesj neit vènje, mer doe koum ze langs de tap.
Dao loug dae jong te sjlaope in zien matrozepak.
En ze zònge alleney .....
(REFREIN)
Trök nao baove
|
|
|
|
1981: De ratelaer
teks/meziek: Will Frenken/Tjeu de Heus
gezònge door: ?
REFREIN:
Doe bès enne ra-ra-raatelaer,
och jong waat moels doe gaer.
och jong waat moels doe gaer.
Doe bès enne ra-ra-raatelaer,
Dat zit zo in dien kaer
't Waar mit vastelaovend, ich trof eine raatelaer,
en trok dao jederaovend euveral mit haer.
Hae maakde zovööl laeve, dat jederein doe zag:
ich zal dich enne gaeve, dan bès doe sjtil vannach.
(REFREIN)
Ei maske koum èns bènne, veer sjtonge aan den tap.
't Kèndj waar neit te kènne, dat haet os get gelap.
Wils doe èns effe zjwiege, noe hauwt èns die gezich.
Maach ich 't woort èns kriege en loester èns nao mich.
(REFREIN)
Trök nao baove
|
|
|
|
1980: Flupke
teks/meziek: Jeun Schelberg
gezònge door: ?
REFREIN:
Flupke, zout op 't sjtupke, zout op 't sjtupke, bie haöm veur de deur.
Jeske, dat kentj van Neske, zat zich d'r naeve, en 't kreeg ein kleur.
Flupke, dae van dat sjtupke, en Jes van Neske gonge door die deur.
Flupke en Jes van Neske zeen noe getrouwd en al is rozegeur.
Ze doon noe alles saame, zeen euveral biejein,
zegge saame ame en zeen nootsj meer allein.
Saame nao tant Emma, en saame nao de sjtad,
saame nao de Gemma en saame auch in bad.
(REFREIN)
Ze gaon zich saame sjaame, en waere saame bleik,
ze numme dan auch saame ein tweede hiepotheik.
Saame eine paeke, en saame nao de sirk,
saame pötje braeke en saame nao de kirk.
(REFREIN)
Trök nao baove
|
|
|
|
1979: 't Eesjte muulke
teks/meziek: Bert Coenen / Jack Vahsen
gezònge door: ?
REFREIN:
t Eesjte muulke van dich, mien Truuke,
wie veer heivisj gonge nao ‘t auwwieverbal.
De maon dae sjeen braaf, ‘t waar noch driej daag,
wie veer sjtonge in ‘t duuster oppe wal.
De maon dae sjeen braaf, ‘t waar noch driej daag,
wie veer sjtonge in ‘t duuster oppe wal.
Sjang, dae drink zich ens gaer ‘n pötje beier,
tap dan deks ‘n mop en haet dan vööl plezeier.
Zoug doe Truuke sprenge, s’aoves in de Sies
en hae zink noe altied noch dezelfde wies.
(REFREIN)
Jao, doe zat Truuke ‘t maske aaf om elf.
Sjang, dae zoug noe ouch van Truu die anger helf.
Oppe mert zonge de letste zaate luuj.
Sjang dae kreeg zien eesjte muulke van oos Truu.
(REFREIN)
Trök nao baove
|
|
|
|
1978: Sjeng d'n dreugdouk
teks/meziek: Hans Wijnands
gezònge door: Hans Wijnands
REFREIN:
Sjeng, Sjeng, Sjeng, lèk d'n dreugdouk oet de henj,
Zet ein maske oppe kop,
en sjmiet de bösjtel in 't sop.
Sjeng, Sjeng, Sjeng, me heurt van alle kènj,
Loup de vrouw neit achternao,
De vastelaovend is weier dao
Trök nao baove
|
|
|
|
1977: Mien Mechelke
teks/meziek: Math Niël
gezònge door: Math Niel
REFREIN:
Wo is mien mechelke, mien mechelke gebleeve?
Is noe mien mechelke alweier d'r tösjen oet?
Veer hauwe aafgesjpraoke, tösje zös en zeeve
't Is vas en zeeker mit de hermenie d'rop oet.
Erg krank is mien Marie, wat haet ze toch, die prie?
Ich ben ens nao de dokter gauw gegange.
Wie dae Marie doe zoug, dach ich dat hae get kroug
'n Paar weurd höb ich waal van hööm versjtange.
Krank van ein hermenie, dat is die gekke prie
(REFREIN)
De buurt haet ein kapel, die geef hööm eine lel.
Dan is Marie van mich neit meer te hauwte.
Ze leet dan eine böök, die brik noch ens de knöök.
De aerpel zeen noe vöölste vööl gezauwte.
't Vleisj is gaar neit mals, dat kump door "Hel en Valsj"
(REFREIN)
Trök nao baove
|
|
|
|
1976: Mit Jozeeke
teks/meziek: Jeun Schelberg
gezònge door: Jeun Schelberg
REFREIN:
Mit Jozeeke aan 't teeke, mit Jozeeke in d'n erm.
Haet Jozeeke dich bekeeke, krigse 't van benne en van boete,
zelfs nog door de dikste roete, krigse 't van alle kantje werm.
Jozee van bie os naeve, is goad in muulkes gaeve.
Doe höbs al gauw ein klaeve, al rense veur dien laeve.
Doe mos ech op 'm passe, 't is ein kendj van klasse.
Mer doe wils 'm gaar neit kwiet, gaar neit kwiet, gaar neit kwiet,
mer doe wils 'm gaar neit kwiet, in de Vasteloavestied.
(REFREIN)
Jozee, dat Zittisj maedje, tap oet ein Zittisj vaetje.
Doe houfs neit d'rop te wachte, 't is al drek aan 't sjlachte.
In jeeder klein kafeeke, dao trufste oos Jozeeke.
Mer 't geit toch nootsj te wied, nootsj te wied, nootsj te wied.
Mer 't geit toch nootsj te wied, in de vastelaovestied.
(REFREIN)
Trök nao baove
|
|
|
|
1975: Vastelaovend
teks/meziek: Jack Bronneberg
gezònge door: ?
REFREIN:
Vastelaovend, vastelaovend,
da's de sjoonste tied van 't jaor.
De Marotte zeen weier dao.
Vastelaovend, vastelaovend.
Kòm veer drènke ei glaas beier.
Jao, dan kriege veer plezeier.
Al de jònges en de maedjes sjprènge weier op de sjtraot,
danse, drènke, lache, zènge en auch neemes wurd'er kaod.
Vööle lietesj beier gaon op en ze waere waal èns zaat.
Mer dat kènt hun toch niks sjaele, want ze zènge tot s'aoves laat:
(REFREIN)
Tante Maj en auch nònk Karel gònge bienao noots van hoes.
En zelfs auch mit vastelaovend, altied bleeve ze mer thoes.
Drie jaor trök gòng ich ze haole, òm te gaon nao 't Zittesj landj.
Rn noe sjprènge ze door de sjtraote, same zènge ze, handj in handj:
(REFREIN)
Trök nao baove
|
|
|
|
1974: Maske, maske, kòm ens hiej
teks/meziek: Math Niel
gezònge door: Math Niel
Al waeke prakkezeier ich weier, wat doon ich toch weier aan?
't Veurig jaor waar ich zo sjoon verkleid es ein banaan.
Mer wie d'r wit, dat fruit van doe dat hiljt zich neit zo lang,
en noe mit die banaan op sjtraot, dat sjtink waal ben ich bang.
REFREIN:
Maske, maske, kom ens hiej, kom ens hiej.
Maske, maske, ich ben zo bliej, ben zo bliej.
Doe bes sjoon verkleid, dat is waat mich get deit.
Maske, maske, kom ens hiej, kom ens hiej.
Maske, maske, ich ben zo bliej, ben zo bliej.
Drie daag saame oet, drenk dich dien beier ens oet.
De eesjte toone heur ich al, ich hawt 't neit meer vol.
De sjoone tied is weier dao, d'n tied van sjpas en lol.
Noe gauw nao baove in die doos, ich trek mich mer get aan,
Ich mot verkleid de sjtraot opgaon, al is 't es banaan.
(REFREIN)
Trök nao baove
|
|
|
|
1973:Gank oet de waeg
teks/meziek: Frits Bronneberg/Tjeu v/d Brock
gezònge door: ?
Sjang, dae echte Zittesje sjnaak gòng verhoeze nao de Laak.
Mèr 't doerde nog gein waek, ooze Sjang gouf eine kaek.
REFREIN:
Gank oet de waeg, ich mòt nao Zitterd.
Gank oet de waeg, hauwt mich neit vas.
Gank oet de waeg, ich mòt nao Zitterd,
nao 't sjtèdje van lol en sjpas.
Gank oet de waeg, ich mòt nao Zitterd,
nao 't sjtèdje van lol en sjpas.
Ouch dat echte Zittesj Lies wol zo gaer čns nao Paries.
Mčr dao waor gein Kötelbaek, daorňm reip Lies nao ein waek:
(REFREIN)
Baer ging trouwe mit Marlaen, moosj gaon woone in Gelaen.
Mčr wit geer wat Baer al zag in de eesjte huweliksnach:
Trök nao baove
|
|
|
|
1972: Waat ein gelök
teks/meziek: Willy Jongen
gezònge door: ?
REFREIN:
Waat ein gelök, iejao, waat ein gelök, iejao.
Oos driej daag vastelaovend zeen al weier dao.
Dae hie van Zitterd is, haet die noch nootsj gemis.
Vastelaovend is mer eine keer per jaor.
Al höbbe veer gein Ajax en gein Feijenoord,
d'rom höbbe veer de Kolleberg en Wal.
't Strandj, dat is te wied, dat lik meer noord,
veer höbbe waal ein sjtadion mit hal.
Mer wie st 't ouch bekiks, is dat dan effe niks...
(REFREIN)
Trök nao baove
|
|
|
|
1971: Alaaf de Marotte
teks/meziek: Ron Kösters
gezònge door: ?
REFREIN:
Alaaf, alaaf de Marotte,
appelsiene, nonnevotte.
Apeneutjes, verkesbloaze,
maskes zenge, sjprenge, roaze.
Alaaf, alaaf de Marotte,
appelsiene, nonnevotte.
Drie daag lang, dus loat mer goan,
want Esjelegoansdig is't gedoan.
Jederein maak sjpas en lol,
kenjer zeen ouch sjtapeldol.
Op sjtraot en op 't Marottebal,
hört me ze zenge euveral.
(REFREIN)
Trök nao baove
|
|
|
|
1970: Ich weit 't neit
teks/meziek: W.Jongen/Th.Breuls
gezònge door: ?
Noch gein jaor waar ich getrouwd, en tot noe ging alles goud,
mer in de vastelaovestied waor ich mien goud versjtand gans kwiet.
Drie daag lank allein op stap, wie ich toes koum veil de klap.
Toen zag mien vruikeleif, loester noe ens estebleif.
REFREIN:
Ich weit ut neit, ich weit ut neit,
of dat nog lang zo wiejer geit.
Ich weit ut neit, ich weit ut neit,
of dat nog lang zo geit.
Trök nao baove
|
|
|
|
1969: 't Pruukske van Lewieke
teks/meziek: ?
gezònge door: ?
Euver dees Vastelaovessjlager oet oos oprichtingsjaor 1969 is òs, behawve d'n tittel, niks bekènd.
Moch geer d'n teks weite, num dan kontak mit òs op via oos contactpagina! Veer zulle uch erg dankbaar zeen!
Trök nao baove
|
|
|
