Bie deze wil ich miene groote dank oetsjpraeke bie gelaeg van òs jubileiumjaor veiër en veertig maol appelsienesjmiete veur de kènjerkes van Zitterd. Dènk uch toch èns in, veiër en veertig maol. Dit is toch eine tied òm vol dankbaarheid op trök te kieke.
`t Fees waor heel sjoon en gans apparaat, oos jaorvergadering waor kort en kreftig.
Hiebie waor aanwezig names de Marotte, Marot Theo dae ouch lid is van oos appelsieneklup. Hae haet mich de medaaje van `t jaor van de marotte òmgehange, mer det is neit allein mien verdeinste, mer de verdeinste van oos alleney. Ònger de vergadering höb ich oos nuuj appelsienezek bie jederein òmgehange.
Hiebie höb ich bie jederein gezag: “Sjtòmme zak, doe kris van mich eine nuuje zak”.
Taengen de middig zeen veer nao Ellie en Zef Cobben gegange woo òs ein lekker en goud verzörgd sjpek mit ei woord veurgezat. Ellie en Zef danke hieveur. Doe weiër trök nao de Limbourgh, òm 14.11 höbbe veer oppe Mert de Jubileumwòrp gedaon. Dit waor ein sjoon momènt.
Noe gaon ich danke zègke.
Uch allemaol leede van òs appelsieneklup dank ich veur eure inzat op waat veur ein meneiër ouch. Ein sjpisijaal woord van dank aan Puil en Teun veur hun väöl werk. Ouch ein woord van dank aan oos dames veur eur hulp en ein sjpisijaal danke veur mien vrouw Mieke veur `t còmputerwerk. Ouch mien dochter Resie mouch ich neit vergaete te bedanke veur zien werk aan de website van oos appelsieneklup.

Einde dankbare en greutsje veurzitter geit dit sjrieves besjloete mit de kòmplemènte veur uch alleney van
TEIOO

DRAAIBOEK VEIERENVEERTIG MAOL SJMIETE APPELSIENEKLUP 1969

Programma van daensdig 21 fibberwaarie 2012
11:00 uur Òntvangs van de leede en klaorzètte Appelsienekiste in De Limbourgh op de Mert
11:11 uur Proost op “Veierenveertig maol sjmiete”
Jaorvergadering, toesjpraak veurzitter, veursjtèlle nuu aspirant-leede
Prizzentasie en oetreike van de nuu appelsienezakken
12:00 uur lunch “sjpek mit ei” bie familie Cobben
14:11 uur Jubileiumwörrep veur De Limbourg oppe Mert
Sjtart Appelsienesjmiete in de bènnesjtad
Groepsfoto
15:44 uur Bezuik Prins Funs II en Vors Marot
18:00 uur Aafsjloetend etentje Restaurant Eigenwijs

Nao ein relatief korte bevalling van ein paar daag is dees kompleet nuuje website van de Appelsieneklup vanmiddig, net op tied veur de Vastelaovend van 2012, oppe welt gezat!
De website, geboewd bie gelaeg van ‘t jubileium van de Appelsieneklup (4×11 maol sjmiete), haet de vorm van ein weblog gekrege. Door dees vorm is ‘t biehawte van de website ein sjtök mekkelikker en minder tiedrovend gewore. En dat sjaelt, veer höbbe per sjlot ouch nog anger dènger te doon, zo wie bieveurbeeld sjmiete van appelsiene!
Me kènt noe ouch op jeder artikkel reageiere. Dit is erg henjig, veural es me gaer ‘t lèste woord haet!

Väöl plezeier mit ‘t bekieke van oos vernuujde website. Veer vènje ‘t leuk es geer hie en dao ein reaksie achterleet!

REFREIN:
Pas de kop neit in de sjpeigel,jao den zèt ein peske trök,
Dan mòste kieke, dan mòste kieke.
Mit dae kop wie eine keigel, vinsj’t gek dat ‘t neit lök,
Noe zal blieke, dao höbste neit van trök.
Of de sjpeigel is te sjmaal of dae kop dae is te dik,
Jao wat wilste mit zo’n träöt,
Es zelfs de sjpeigel zich versjrik.
Mer doe wils dan toch de sjtraot op,
Es de ganse sjtad al zink, noe kiek dae aerpel,
Dae is pas hauf gesjmink.

KOEPLÈT 1:
Mit vastelaoveszóndig haol veer alles oet de kas,
Dan gaon veer ós verkleije, zo begint bie ós de sjpas.
‘t Pekske waar al oetgezóch, dat zit mich wie gelèk,
Nog effe gauw de sjoon gepóts, die blinke wie perfek.
Nog ein kleurke in’t gezich, dat vilt neit mit,
Went witste wie dat zit?

KOEPLÈT 2:
Vastelaovesmaondig trèkke veer mit ós kapel,
Veer gaon dan lekker sjooje en veer klaene op dat vel.
Mer eesj nog same sjpek mit ei,
Dan gaon veer weier op paad.
Veer motte ós gaon sjpauwe, angesj komme veer te laat
Nog ein kleurke in ‘t gezich, dat vilt neit mit
Went witste wie dat zit?

KOEPLÈT 3:
De lèste is de bèste, dus nog eine keer op sjtap,
De boet laug gans vol foddele pès aan de keldertrap.
Ich sjnapde mich vanal biejein, mèr jóng waat sjtóng ich d’r op,
Ein pètsjke of ein pruukske, mer niks pasde oppe kop.
Nog ein kleurke in ‘t gezich, dat vilt neit mit,
Went witste wie dat zit?

En noe is ‘t zo wied. Hie is hae dan in vol ornaat: Prins Funs de Tweede!

Vastelaovend 2012
12 fibberwarie 2012 Kènjeroptoch in de Bènnesjtad van Zitterd vanaaf 13.33 oere
18 fibberwarie 2012 ‘t Kenon van ‘t Balkòn oppe Mert in Zitterd vanaaf 19.11 oere
19 fibberwarie 2012 Grote Optoch in de Bènnesjtad van Zitterd vanaaf 12.55 oere
20 fibberwarie 2012 Laammaekesj-konsèr in Café De Vaan vanaaf 13.11 oere
20 fibberwarie 2012 Tröötekonkoer oppe Mert 14.33 oere + 20.11 oere
21 fibberwarie 2012 Appelesienesjmiete in de Bènnesjtad vanaaf 14.11 oere
21 fibberwarie 2012 Maske begrave vanaaf de Mert nao de Kolleberg, verzamele 23.11 oere, vertrèk 0.00 oere
22 fibberwarie 2012 Esjekrutske haole in de Grote Kirk mit aansjloetend Heringbiete in deBènnesjtad, 19.00 oere

Appelsienesjmiete in de toekòmst:
21 Fibberwarie 2012
12 Fibberwarie 2013
4 Meert 2014
17 Fibberwarie 2015
09 Fibberwarie 2016
28 Fibberwarie 2017
13 Fibberwarie 2018
05 Meert 2019
25 Fibberwarie 2020
16 Fibberwarie 2021
01 Meert 2022
21 Fibberwarie 2023