Nuuj aspirant lid: Maurice de Wit

  Door Mechelke | 17 februari 2012 - 23:36 | Algemein, Appelsienesjmiete 2012
Laot ein reaksie achter

Mit ‘t appelsienesjmiete dit jaor zal weier ein aspirantlid ziene entree maake.
Maurice de Wit haet gevraog of hae bie oos appelsieneklup maag kòmme!
Nao väöl euverlèggke en beraod höbbe veer gezag: “Kòm `t mer èns prebeiëre”.
Hae zal biegesjtange waere door èngelbewaarder Jo, dae häöm ouch bepaalde sjmiet-technieke zal biebrènge.
Veer wunsje Maurice heel väöl sjterkte in zien sjwaor opleidingstied, en of hae sjlaag veur zien Appelsiene-eksame, det zeen veer den volgend jaor waal.

Veierenveertig maol Appelsienesjmiete!

  Door Mechelke | 17 februari 2012 - 23:29 | Algemein, Appelsienesjmiete 2012
Laot ein reaksie achter

De Appelsieneklup sjmit veur de veierenveertigste maol appelsiene veur de Zittesje kènjer. Dat mòt natuurlik gevierd waere!
De veurbereiïnge zeen in volle gangk en ‘t belaof get unieks te waere!
De veurzitter Teioo haet sjlaopeloze nachte of ein en anger ouch goud löp, mer hae wit dat hae ummer kènt boewe op zien jònges die häöm ummer sjteune, door dik en dun.
Op òngersjtaond euverzich kènt geer zeen wie de daagindeiling d`r oet zuut.
Hie-euver höbbe veer al èllef maol vergaderd, mer ‘t is ouch get gewoore.
Kiek zellèf mer!

DRAAIBOEK VEIERENVEERTIG MAOL SJMIETE APPELSIENEKLUP 1969

Programma van daensdig 21 fibberwaarie 2012
11:00 uur Òntvangs van de leede en klaorzètte Appelsienekiste in De Limbourgh op de Mert
11:11 uur Proost op “Veierenveertig maol sjmiete”
Jaorvergadering, toesjpraak veurzitter, veursjtèlle nuu aspirant-leede
Prizzentasie en oetreike van de nuu appelsienezakken
12:00 uur lunch “sjpek mit ei” bie familie Cobben
14:11 uur Jubileiumwörrep veur De Limbourg oppe Mert
Sjtart Appelsienesjmiete in de bènnesjtad
Groepsfoto
15:44 uur Bezuik Prins Funs II en Vors Marot
18:00 uur Aafsjloetend etentje Restaurant Eigenwijs

“Paesj”-bericht (3)!

  Door Mechelke | 16 februari 2012 - 16:55 | Algemein, Appelsienesjmiete 2012
1 Reaksie

16-02-2012, 16.55 oere
Appelsieneklup.nl weier vernuujd!

Nao ein relatief korte bevalling van ein paar daag is dees kompleet nuuje website van de Appelsieneklup vanmiddig, net op tied veur de Vastelaovend van 2012, oppe welt gezat!
De website, geboewd bie gelaeg van ‘t jubileium van de Appelsieneklup (4×11 maol sjmiete), haet de vorm van ein weblog gekrege. Door dees vorm is ‘t biehawte van de website ein sjtök mekkelikker en minder tiedrovend gewore. En dat sjaelt, veer höbbe per sjlot ouch nog anger dènger te doon, zo wie bieveurbeeld sjmiete van appelsiene!
Me kènt noe ouch op jeder artikkel reageiere. Dit is erg henjig, veural es me gaer ‘t lèste woord haet!

Väöl plezeier mit ‘t bekieke van oos vernuujde website. Veer vènje ‘t leuk es geer hie en dao ein reaksie achterleet!

Vastelaovesleidje 2012: De Sjpeigel

  Door Mechelke | 10 februari 2012 - 16:44 | Appelsienesjmiete 2012, Meziek
Laot ein reaksie achter

teks/meziek: John Smeets & Gian Prince
gezònge door: Cyrille Niël

REFREIN:
Pas de kop neit in de sjpeigel,jao den zèt ein peske trök,
Dan mòste kieke, dan mòste kieke.
Mit dae kop wie eine keigel, vinsj’t gek dat ‘t neit lök,
Noe zal blieke, dao höbste neit van trök.
Of de sjpeigel is te sjmaal of dae kop dae is te dik,
Jao wat wilste mit zo’n träöt,
Es zelfs de sjpeigel zich versjrik.
Mer doe wils dan toch de sjtraot op,
Es de ganse sjtad al zink, noe kiek dae aerpel,
Dae is pas hauf gesjmink.

KOEPLÈT 1:
Mit vastelaoveszóndig haol veer alles oet de kas,
Dan gaon veer ós verkleije, zo begint bie ós de sjpas.
‘t Pekske waar al oetgezóch, dat zit mich wie gelèk,
Nog effe gauw de sjoon gepóts, die blinke wie perfek.
Nog ein kleurke in’t gezich, dat vilt neit mit,
Went witste wie dat zit?

KOEPLÈT 2:
Vastelaovesmaondig trèkke veer mit ós kapel,
Veer gaon dan lekker sjooje en veer klaene op dat vel.
Mer eesj nog same sjpek mit ei,
Dan gaon veer weier op paad.
Veer motte ós gaon sjpauwe, angesj komme veer te laat
Nog ein kleurke in ‘t gezich, dat vilt neit mit
Went witste wie dat zit?

KOEPLÈT 3:
De lèste is de bèste, dus nog eine keer op sjtap,
De boet laug gans vol foddele pès aan de keldertrap.
Ich sjnapde mich vanal biejein, mèr jóng waat sjtóng ich d’r op,
Ein pètsjke of ein pruukske, mer niks pasde oppe kop.
Nog ein kleurke in ‘t gezich, dat vilt neit mit,
Went witste wie dat zit?

Vastelaovesagenda

  Door Mechelke | 11 november 2011 - 00:20 | Algemein, Appelsienesjmiete 2012
Laot ein reaksie achter


Daensdig 21 fibberwarie 2012 vanaaf 14.11 oere kènt geer òs weier in aksie zeen oppe mert in Zitterd bie ‘t Appelsienesjmiete!

Vastelaovend 2012
12 fibberwarie 2012 Kènjeroptoch in de Bènnesjtad van Zitterd vanaaf 13.33 oere
18 fibberwarie 2012 ‘t Kenon van ‘t Balkòn oppe Mert in Zitterd vanaaf 19.11 oere
19 fibberwarie 2012 Grote Optoch in de Bènnesjtad van Zitterd vanaaf 12.55 oere
20 fibberwarie 2012 Laammaekesj-konsèr in Café De Vaan vanaaf 13.11 oere
20 fibberwarie 2012 Tröötekonkoer oppe Mert 14.33 oere + 20.11 oere
21 fibberwarie 2012 Appelesienesjmiete in de Bènnesjtad vanaaf 14.11 oere
21 fibberwarie 2012 Maske begrave vanaaf de Mert nao de Kolleberg, verzamele 23.11 oere, vertrèk 0.00 oere
22 fibberwarie 2012 Esjekrutske haole in de Grote Kirk mit aansjloetend Heringbiete in deBènnesjtad, 19.00 oere

Appelsienesjmiete in de toekòmst:
21 Fibberwarie 2012
12 Fibberwarie 2013
4 Meert 2014
17 Fibberwarie 2015
09 Fibberwarie 2016
28 Fibberwarie 2017
13 Fibberwarie 2018
05 Meert 2019
25 Fibberwarie 2020
16 Fibberwarie 2021
01 Meert 2022
21 Fibberwarie 2023

Vastelaovesleidje 2011: Jo-de-la

  Door Mechelke | 26 februari 2011 - 17:41 | Meziek
Laot ein reaksie achter

teks/meziek: Thei Wessels
gezònge door: Paul-Jean Jessen

KOEPLÈT 1:
Mit de vastelaovend doe zag Toos taege Jo:
“Wach mer pès vanaovend, dan sjtael ich vas de sjo
Maske, huidje, zökke die haol ich oet de kas”
Mer dat wól neit zo lökke went de la zout maore vas…

REFREIN:
Jo de la die…is kepot!
Jo de la die…is riep veur biej ‘t sjrot
De la Jo, de la Jo, waat bèste toch ein sjaop
Jo de la, Jo de la, Jo de la mót aop!
Jo de la, Jo de la, gaef mich nog ein bietje haop (2x)

KOEPLÈT 2:
Jo lout zich neit kènne. Hae vuilde al de zaeg
In zien hendjes brenne. Dao waar mer eine waeg
Nao get urkes wuile doe woord ‘r toch get sjoew
De ganse kas vermuibelt mer de la’s die bleve toew…

KOEPLÈT 3:
Jo sjnapde d’n hamer en gouf de la ein vaeg
Die vloog door de kamer mer waar harsjtikke laeg
Jo góng door ’t dölle mer och dao vónj mich Toos
Häör vastelaovesprölle in ein auw kertónne doos…

Sjlot: Angesj kóm ich neit in sjlaop (2x)

Vastelaovesleidje 2010: Veer zeen vastelaovesgekke

  Door Mechelke | 26 februari 2011 - 17:33 | Meziek
Laot ein reaksie achter

teks/meziek: Raymond Golding
gezònge door: De Vraem Veugel

REFREIN: Veer zeen vastelaovesgekke,
Dat is al jaore mit die daag.
Veer zeen vastelaovesgekke,
De kriebels gaon alweier door de maag.
Went mit de vastelaovend gaon veer alle kroege aaf,
Gelökkig is ’t neit te drök went boete wurt gepaaf.
Veer zeen vastelaovesgekke,
En dat allein mer,………mit die daag.

KOEPLÈT 1:
Vlak veur de vastelaovend kómme veer weier biejein,
Dan wurt ‘r weier gelache en geroddeld óngerein.
’t thema wurt bekènd gemaak, veer gaon dan aan de sjlaag,
En make ós dan op veur weier drie sjoon daag.

KOEPLÈT 2:
Awwieverbal,de zitting of Kanón van ’t balkón,
Dao gaon v’r haer verkleid mesjiens waal es ’n echte nón.
Geneite doon veer dan al geit ’t door pès mörgevruig,
’t maak neit oet went veer zeen dan nog lang neit muig.

KOEPLÈT 3:
Al blieve veer in Zitterd of veer gaon èns nao Mesjtreich,
’t is euveral gezèllig zónger dat ich hiebie leig.
De lol en sjpas die make veer toch zelf óngerein,
Went mit z’n alle blieve veer geweun biejein.